ԱԺ պատգամավոր Թևան Պողոսյանը վստահ է՝ Ադրբեջանի կողմից ԵԽԽՎ-ում ներկայացված հակահայկական զեկույցները մեկ օրվա արդյունք չեն:
«Հայկական կողմն իր սխալը հիմա գիտակցում է, բայց արդյո՞ք մենք կուղղենք այն»,-հարցնում է պատգամավորը՝ շտապելով խորհուրդ տալ.
«Պետք է մտածել, թե ինչ պետք է անենք վաղը: Ինչ չի արվել երեկ, սրա դասերը ուրիշ են: Տարբեր սցենարներով կարելի է առաջ գնալ, օրինակ՝ պատրաստել նոր զեկույցներ, բարձրաձայնել կարևոր խնդիրներ: Անհրաժեշտ է այնպես անել, որ այդ զեկույցի մասին շատ արագ մոռանան ու այն մեզ համար գլխացավանք չդառնա: Մենք նմանատիպ փորձ ունեցել ենք ՄԱԿ-ում. 4 բանաձևերի բոլոր կոչերը Ադրբեջանի դեմ էին, անհրաժեշտ է օգտագործել այդ փաստաթղթերը»:
Հիշեցնենք, որ հունվարի 26-ին ԵԽԽՎ-ում տեղի ունեցավ Ռոբերտ Ուոլթերի՝ «Բռնության աճը Լեռնային Ղարաբաղում և Ադրբեջանի մյուս օկուպացված տարածքներում» և Բոսնիայի ու Հերցեգովինայի ներկայացուցիչ Միլիցա Մարկովիչի՝ «Ադրբեջանի սահմանամերձ բնակավայրերի բնակիչները կանխամտածված կերպով զրկվում են ջրից» անընդունելի վերնագրերով զեկույցների քննարկումը: 98 կողմ, 71 դեմ ու 40 ձեռնպահ հարաբերակցությամբ ընդունվեց Մարկովիչի բանաձևը։
Անի Կարապետյան
