Life.panorama.am-ը զրուցել է «Միսս Հայաստան 1997» մրցույթի տիտղոսակիր Անգելինա Բաբաջանյանի հետ:
-Անգելինա, ինչո՞վ եք հիմա զբաղվում:
-Զբաղվում եմ ընտանեկան բիզնեսով, նաև իմ ընտանիքով, բալիկներով, ինչն ինձ համար առաջնային է:
-Ժամանակին Ձեզ հանդիպեցինք նաև դերասանի կարգավիճակում: Ձեզ դուր չեկա՞վ այդ աշխարհը, թե՞ այլ առաջարկներ չեղան:
-Այո, նկարահանվել եմ գեղարվեստական ֆիլմերում, բայց ինձ դերասանուհի երբեք չեմ համարել: Դա է պատճառը, որ միշտ առաջարկներից հրաժարվել եմ: Բայց ասեմ, որ մինչ օրս էլ առաջարկներ ստանում եմ:
-Ձեր մոդելային գործունեությունը, կարծեք, թե ժամանակից շուտ ավարատեցիք: Ինչո՞ւ:
-Շատ պարզ պատճառով. ժամանակի ընթացքում հասկացա, որ այդ ամենն ինձ չի գերում, իմ ընտրությունն այլ էր։
-Հանրային ճանաչում ունեցող տարբեր մասնագիտության տեր մարդկանց հաճախակի հանդիպում ենք հեռուստահաղորդավարի, սերիալային դերասանի կարգավիճակում: Ինչպե՞ս է, որ այդ դաշտում ևս չկաք:
-Գիտեք, ինձ թվում է, որ յուրաքանչյուրը պետք է զբաղվի իր գործով, իր մասնագիտությամբ:
-Անգելինա, ոչ միշտ են գործարար, հաջողությունների հասնող կանայք երիտասարդ տարիքում ընտանեկան հոգսերի, պարտականությունների մեջ մտնում: Ինչպե՞ս հաջողվեց Ձեր ամուսնուն մտափոխել Ձեզ:
-Ամուսինս ինձ մտափոխելու կարիք չունեցավ: Ինքս պատրաստ էի ունենալ ամուր ընտանիք, շատ բալիկներ: Դա իմ ընտրությունն էր:
-Ի դեպ, Ձեր ամուսինն ինչո՞վ է զբաղվում: Ինչպիսի՞ մարդ է:
-Ամուսինս՝ Կարեն Մարտիրոսյանը, տնտեսագետ է, զբաղվում է գործարարությամբ: Շատ հավասարակշռված, հումորի մեծ զգացումով անձնավորություն է, հոգատար հայր և ամուսին: Հարգված ու սիրված անհատականություն է ընկերների ու բարեկամների կողմից:
Նյութն ամբողջությամբ` սկզբնաղբյուր կայքում