«Հրապարակ» թերթը գրում է. ՀՀ նախագահ Վահագն Խաչատուրյանը ստորագրել է «Ընդերքի մասին» ՀՀ օրենքում փոփոխությունների եւ լրացումների նախագիծը։ Աղմկահարույց նախագծի դեմ ամիսներ շարունակ պայքարում էին բնապահպանական  ՀԿ-ները՝ համարելով, որ «Ընդերքի մասին» օրենսգրքում լրացումներ կատարելու նպատակն Ամուլսարի շահագործումն է։ Մայիսի 30-ին էլ դիմել էին նախագահին՝ խնդրելով չստորագրել այն։ Սակայն Նիկոլ Փաշինյանի մոտ նախագահ աշխատող Խաչատուրյանը, փաստորեն, հարկ չհամարեց օգտվել սահմանադրական լիազորություններից՝ նախագիծն ուղարկել ՍԴ կամ չստորագրել՝ թողնելով, որ այն իրավունքի ուժով կյանքի կոչվի։ Բանն այն է, որ օրենսգրքում ներդրվել է նոր հոդված՝ 55.1, որը սահմանում է օգտակար հանածոյի արդյունահանման ժամկետի երկարաձգումն անհաղթահարելի ուժի հիմքով:

Ըստ այդմ՝ անհաղթահարելի են համարվում գործադուլները, տնտեսվարողից անկախ պատճառներով ծառայությունների ընդհատումները` էլեկտրամատակարարման, ջրամատակարարման եւ այլ դեպքերը, հրդեհները, ջրհեղեղները, երկրաշարժերը, փոթորիկները կամ այլ բնական աղետները, ինչպես նաեւ պայթյունները, պատերազմը, ահաբեկչությունը, քաղաքացիական պատերազմը, անկարգությունները, ապստամբությունը եւ այլն։ Նախագծի անցումային դրույթներով էլ նորմը հետադարձ ուժ է ստանում եւ տարածվում է 4 տարի առաջ անհաղթահարելի ուժի հիմքով խնդիրներ ունեցած ընդերքօգտագործողների վրա:

Հիշեցնենք․ Ամուլսարի հանքի շահագործման ծրագիրը դադարեցվել էր 2018-ին, երբ Ջերմուկի բնակչությունն ակտիվիստների հետ միասին փակել էր հանք տանող ճանապարհը եւ թույլ չէր տալիս աշխատողներին տեղում հանքարդյունահանման գործողություններ իրականացնել:

Առավել մանրամասն՝ թերթի այսօրվա համարում

Դիտեք նաև՝