Ըստ տեղեկությունների՝ այսօր Վոլգոգրադի շրջանում այրվել է ռուսական առաջին ալիքի հայտնի հեռուստահաղորդավար Պյոտր Տոլստոյի առանձնատունը: Հրդեհի բռնկվելուց 30 րոպե հետո հրշեջ ծառայության աշխատակիցներին հաջողվել է ամբողջությամբ մարել կրակը: Ըստ վարկածներից մեկի՝ հրդեհը չարակամների ձեռքի գործն է, ովքեր մինչ այդ հասցրել են հաղորդավարի տնից առևանգել թանկարժեք իրերը:
Ըստ ականատեսների՝ հսկայական առանձնատնից, որը կառուցելու համար Պյոտր Տոլստոյին անհրաժեշտ է եղել ավելի քան 5 տարի, ոչինչ չի մնացել:
«Այո, տունն իսկապես հրդեհվել է, սակայն այս առիթով չեմ ցանկանում որևէ մեկնաբանություն տալ»,- ԶԼՄ-երից մեկին ասել է հեռուստահաղորդավարը:
