«Մեզ մոտ արտագաղթը շարունակվում է, չկա արդյունաբերություն, գիտության և մշակույթի վիճակն էլ շատ վատ է, իսկ ադրբեջանական քաղաքական, ռազմական ղեկավարության նպատակը արտագաղթը շատացնելն է: Դրա համար կանխարգելիչ գործողություններ են պետք: Բանակը պետք է իր ռազմավարական գործունեության բաղադրատոմսի մեջ ներառի նաև կայծակնային պատերազմի որոշակի տարրեր, որովհետև երկար պատերազմ չի լինելու: Ով խելացի, կամզակերպված եղավ, կարողացավ մոբիլիզացիոն վիճակ ստեղծել, նա էլ կհաղթի»,-այսօր՝ լրագրողների հետ հանդիպման ժամանակ ասաց քաղաքագետ Լևոն Շիրինյանը՝ առաջարկելով ուսումնասիրել Կուրսկի ճակատամարտի ամբողջ տրամաբանությունը:
«Այն կանխարգելիչ պատերազմի փայլուն օրինակ է: Քանի դեռ հակառակորդը չի սկսել գրոհը, մի քանի ժամ առաջ սկսվում է ահավոր մի գործողություն, որի արդյունքում հակառակորդի պոտենցիալը վերանում է՝ ելման դուրս չեկած»,-նշեց Լևոն Շիրինյանը:
Ինչ վերաբերում է պատերազմի վերսկսմանը, քաղաքագետը նկատում է.
«Պետք չէ պատրանքներ ունենալ, թե նրանք փողի խաթր կռիվ չեն անի: Հիտլերի փողն էր պակասում, թե՞ Աթաթուրքի: Ալիևը փողը կուտակում է հենց պատերազմի համար»:
Անի Կարապետյան
