Արդեն տեղեկացրել էինք այն մասին, որ ռուսական «Голос» նախագծի 3-րդ եթերաշրջանում մեկը մյուսի հետևից մարզիչներին էին հիացնում նաև հայ մասնակիցները, որոնցից մեկի` Սամվել Վարդանյանի համար, մարզիչները նույնիսկ պատրաստ էին իսկական պայքար սկսել միմյանց դեմ: Երեկ` հոկտեմբերի 17-ին, տեղի ունեցավ կույր լսումներին հաջորդող մենամարտ փուլը, որտեղ առաջին ելույթ ունեցող մասնակիցներից էր Ալբերտ Մուսայելյանը, ով հանդես էր գալիս Պելագեյայի թիմից և պայքարում էր իր թիմակիցներից մեկի հետ: Կատարելով «Freedom» ստեղծագործությունը` արդյունքում, հենց Ալբերտն արժանացավ Պելագեյայի հավանությանը և անցավ հաջորդ փուլ:
