Ադրբեջանական մամուլն այսօր ներկայացրել է ադրբեջանական մտքի հերթական «փայլատակումը»: Նախիջևանյան «Şərq qapısı» թերթը «դարի բացահայտում» է արել՝ նշելով, որ Նոյ նահապետը նախիջևանցի բանվոր է եղել, ով աղ է հայթայթել Դուզդաղի քարանձավներում: Ավելին՝ հեղինակները կոչ են անում անպայման գնալ Նախիջևան և այցելել Նոյ Նահապետի դամբարան, որը կառուցել է անձամբ ինքնավար հանրապետության ղեկավար Վասիմ Թալիբովը:
Զավեշտալին այն է, որ ըստ թերթի՝ իբր պատմական աղբյուրները հաստատել են, որ Նոյ Նահապետը համաշխարհային ջրհեղեղից հետո էլ ապրել և աշխատել է Նախիջևանում: