Ապրիլյան պատերազմում զոհված Ադամ Սահակյանի մայրը՝ Գայանե Անտոնյանը, ֆեյսբուքյան իր էջում հրապարակել է «Սուրմալու» առևտրի կենտրոնում պայթյունի հետևանքով զոհված Սիրարփի Խաչատրյանի նամակը․
«Սիրարփի ջա՛ն, բազմաթիվ ընկերներիս խնդրանքով, տեղադրում եմ. մի քանի տարի առաջ, Ադամի ծննդյան օրը` օգոստոսի 19֊ին, ինձ ուղղված քո նամակը։
Հ.Գ․ մի փոքր ավելի շատ թող որոշ մարդկանց սիրտը ցավի, որ հասկանան, թե որոնք են կյանքի կարևորագույն արժեքները։ Մենք ծանոթացանք ապրիլյան պատերազմից հետո, իմ հարազատ մա՛րդ, աստված լույսերի մեջ պահի քո, փոքրիկիդ և մյուս անմեղ զոհերի հոգիները... Բարև՛ ձեզ տիկի՛ն Գայանե... բառեր չեմ գտնում՝ ինչպես շնորհավորեմ մեր լուսավոր Ադամի ծնունդը... գիտեմ՝ հիմա ինչ մեծ ցավ եք ապրում... և հիշելով նրա ծննդյան օրերը, որ նշել եք միասին, փորձում եք մեղմացնել ձեր ցավը... բայց Ադամի ներկայությունն ամենուր է, ինչքան էլ որ տարիները անցնեն... Շնորհավորում եմ Հերոսի ծնունդը և խոնարհվում Ձեր առջև Ադամի նման հերոս ծնելու համար...»։
Այսօր՝ օգոստոսի 19-ին Ադամ Սահակյանի ծննդյան օրն է։ Նա կդառնար 26 տարեկան:
