Պորտուգալական Abola.pt-ը կայքը հայտնում է, որ Հայաստանի ազգային հավաքականի և «Մարիտիմուի» կիսապաշտպան Գևորգ Ղազարյանը արդեն վերադարձել է Մադեյրա (Պորտուգալիա): Հայ ֆուտբոլիստը պետք է բուժզննում անցնի պարզելու համար վնասվածքի լրջությունը:
Հիշեցնենք, որ Ղազարյանը վնասվածք էր ստացել ԱԱ 2018 որակավորման փուլի Հայաստան – Ղազախստան հանդիպման 1-ին րոպեին:
Ըստ նախնական հետազոտության արդյունքների՝ Գևորգի մոտ ախտորոշվել է ծնկի խաչաձև մկանների մասնակի պատռվածք և միջօդային աճառի (մենիսկ) վնասվածք։
