Հաղորդավարուհի, դերասանուհի Նազենի Հովհաննիսյանն իր ֆեյսբուքյան էջում լուսանկար է հրապարակել, որին կից գրել է․
«Էս յուղը հալեցնել ես սովորել եմ Մայրիկիցս: 90- ականների սկզբին դաժան սովի տարիներ էին, երևի 96- ից նոր մի քիչ սկսեց փոխվել պատկերը:
Դե լույս չկար ընդհանրապես, մի ժամ տային, թե չէ.. Ուտելիք չկար, հաց չկար... չկար ոչինչ, բայց կային ՄԱՐԴԻԿ ու Հայրենիքի գիտակցություն: Ընդհանրապես կար գիտակցություն: )
Մայրս՝ արմատներով հին Բայազետից, լավ գիտեր անարատ յուղի օգտակարությունն էլ , համն էլ: Բայց ի՞նչ իմանար, որ իր մանկությունից եկած էս հմտությունը, որն ակտիվ կիրառում էր սովետի ժամանակ էլ, ու մենք հասցրեցինք օգտվել նույնիսկ դաժան 90- ականներին, ուղղակի սովից կփրկեր մեզ:
Իմ մանկությունն ու մայրիկինս շատ տեղերում են հատվել. էս յուղի համն էդ հատման կետերից է:
Մեզ բոլորիս դժվար տարի է սպասվում...
Յուղ եմ հալեցնում, որ Ընտանիքս ունենա մանկության համն ու Մայրիկիս ուժը, որովհետև հոգատարությունը միայն խոսքով չի «աշխատում»: Որովհետև ամենաթանկ բանն է Ընտանիքս:
Նույնիսկ ամենաանհամ կարագն իապառ փոխվում էր՝ հալեցնելուց հետ:
Չի չաղացնում: Հնդիկներն անգամ այուրվեդիկ դետոքս- դիետա ունեն, միայն յուղով համ նիհարացնում, համ մաքրում են օրգանիզմն ամբողջովին:
Խոլեստերինի մասին հեքիաթները սկսվեցին էն պահից, երբ մարդիկ դադարեցին օգտվել ԲՆԱԿԱՆ ու օրգանիզմի համար անհրաժեշտ նյութերից: Դարձանք արհեստական ու մի Տեսակ անկյանք... Մայրիկիս հալած յուղն հենց էս գույնն ուներ. ոսկի էր տեղով մեկ: Ու կյանք տվեց մեզ՝ անկյանք տարիներին. հացին քսում ուտում էինք, ճաշի մեջ չէր էլ հասցնում լցնել...
Կարագը դնում ու եռացնում եք զգուշորեն, աստիճանաբար աղ ավելացնելով, զգույշ եղեք՝չվառեք, չվառՎեք ու չթափեք. ափսոս է: Հիմա պետք է խնայել համ մեզ, համ նույնիսկ չեղածը... Ու զգույշ չվառվեք...
Սառած յուղն անգամ սառնարանի կարիք չունի. չի փչանում, գուցե աղի՞ց է:
Մանկությունն ամեն ինչ է մարդու կյանքում. ձևավորում է նրա բարին էլ չարն էլ: Հոգատարությունն էլ օդից չի, կամ Ընտանիքի նկատմամբ սերը, մանկությունից է... Մորից դստերը փոխանցվում է ապրելու ուժն էլ, Հայրենիքի կամ մարդու նկատմամբ սերն էլ, դժվարություններով անցնելու հմտություններն էլ:
Մորից՝ պորտալարով անցնում է ապրելու կարողությունը՝ Հղիությունից մինչև կյանքի վերջին օր:
Յուղ հալեք... Աղով: Որ ձեզ էլ պետք չգա, հաստատ ուրիշին մի կարևոր պահի օգնած կլինեք: Դժվար տարի է սպասվում.... (ՆՀ) »:
