Asekose.am-ի տարվա ամփոփիչ բլից հարզացրույցին պատասխանել է երգչուհի Օլգա Այվազյանը:
-Սիրո՞ւմ եք Նոր տարին… Եթե այո, ապա ինչո՞ւ:
-Սիրում եմ Նոր տարին, քանի որ ինձ ևս մեկ անգամ մանուկ եմ զգում: Հոգիս լցվում է ջերմությամբ և գալիք տարվա երազանքների իրականացման, ինչպես նաև Ձմեռ պապիկից անակնկալ նվերներ ստանալու ակնկալիքով:
-Ինչպիսի՞ն էր 2014-ը Ձեզ համար:
-Ես գոհ եմ 2014թվ-ից, սակայն շատ չեմ աշխատել: Տարեմուտին նոր երգս ավարտին հասցրեցի, որն էլ կլսեք և կդիտեք ամանորյա հաղորդումների ընթացքում:
-Ձեր կյանքի ամենաուրախ և հիշվող Նոր տարին:
-Տարեց տարի ավելի գեղեցիկ ու անակնկալներով լի եմ դիմավորում, այդ պատճառով էլ չեմ կարող առանձնացրել, որևէ մեկը…
-Ձեր կյանքի ամենատխուր Նոր տարին:
-2013թվ-ին մեծ կորուստ ունեցանք, թեև չեմ ուզում մանրամասնել: Երևի, դա էլ ամենատխուր Նոր տարին էր:
-2014-ի ամենակարևոր իրադարձությունը:
-2014թվ-ն ինձ համար կարելի ասել լավ տարի էր…Փոքր ինչ հասունանալու և խելամիտ դառնալու տարի էր:
-2014-ի կորուստը:
-Կորուստ չեմ ունեցել և Աստված չանի:
-Ի՞նչ էր պակասում Ձեզ 2014-ին
-Ինձ պակասում էր հանգիստը, սակայն կարծում եմ, որ 2015-ին կլրացնեմ բացթողումս:
-Որտե՞ղ և ո՞ւմ հետ եք անցկացնելու Նոր Տարին:
-Ամանորը միշտ դիմավորում եմ տանը` հարազատներիս հետ: Երբեմն այնպես է լինում, որ մեզ հետ միասին դիմավորում են նաև ընկերուհիներս… Այս տարի ևս բացառություն չէ, որից հետելույթներ եմ ունենալու քաղաքի (և ոչ միայն) տարբեր ակումբներում և ռեստորանային համալիրներում…
-Ի՞նչ եք անելու 00:00 անմիջապես հետո:
-00:00-ից անմիջապես հետո մեր տանը տիրում է ուրախություն, երգ ու պար, որից հետո միանգամից փոխանակվում ենք նվերներով. դա ամենահետաքրքիր պահն է:
-Ի՞նչ նվեր եք ցանկանում Ձմեռ պապիկից:
-Ինձ թվում է Ձմեռ պապիկն անգիր գիտի, թե ես ինչ եմ ուզում և դա էլ կիրականացնի: Ըստ կենդանակերպի նշանի` 2015թվ-ը իմ տարին է, կարծում եմ, որ դրանով ամեն ինչ ասված է:
-Ի՞նչ եք ակնկալում 2015-ից:
-Սպասումներիս մասին չեմ սիրում խոսել, միայն իրականանալուց հետո: Եվս մեկ անգամ շնորհավոր բոլորիս գալիք Ամանորը: Թող բոլորի սրտերը լցվեն ջերմությամբ և սիրով: Թող բոլորն իրականացնեն այս տարի այն, ինչ չեն հասցրել նախորդ տարիների ընթացքում: Ցանկանում եմ, որ յուրաքանչուր տարի Ամանորն ավելի ուրախ դիմավորեք և հաճախ ժպտաք:
Հեղինակ` Լիլիթ Հակոբյան
