Անապայի ռեստորաններից մեկում աշխատող հայ խոհարար Արտյոմ Գինոսյանն ընդամենը 3 րոպեում մեծ քանակությամբ շաուրմա պատրաստելու ռեկորդ է սահմանել: Խոհարարի աշխատանքը ներկայացվել է ռուսական «Առաջին ալիքի» «Ես կարող եմ» տաղանդների շոուի ժամանակ:
Հատկանշականն այն է, որ Գինոսյանը 3 րոպեում պատրաստել է ոչ թե 10 հատ շաուրմա, ինչպես նախատեսված էր առաջադրանքով, այլ 11 հատ՝ սահմանելով նոր ռեկորդ Ռուսաստանում:
Նա նաև ցնցել է հանդիսատեսին թռչող դանակների շոուով: Գինոսյանն աշխատում է արագ սննդի ռեստորանում և սիրում է իմպրովիզներ անել խոհանոցում, նրա ամբողջ ընտանիքը զբաղվում է ռեստորանային բիզնեսով:
