Աստղերը նույնպիսի մարդ են, ինչպես մենք բոլորս: Նրանք իրենց թերություններն ունեն, իրենց խնդիրներն ու վատ սովորությունները: Նույնիսկ եթե ճանաչված են, այդ չի արգելում նրանց սիրահարվել, ամուսնանալ, ամուսնալուծվել, երեխա ունենալ, հիվանդանալ ու վիճել: Նրանք նույն զգացմունքներն են ունենում, ինչ եւ մենք բոլորս, միայն ափսոս, որ շատ հաճախ ստիպված են լինում թաքցնել դրանք:

Չնայած մենք անընդհատ նախանձում ենք արտիստներին, նրանց կյանքն ամենեւին էլ այդքան լուսավոր եւ անհոգ չէ, ինչպես շատերն են պատկերացնում: Ամենից առաջ դա ամենօրյա ծանր աշխատանք է, երբեմն՝ առանց հանգստյան օրերի: Դրանք սիրելիների հետ շփման հազվադեպ րոպեներ են, մտերիմների հետ ժլատ հանդիպումներ: Դա մշտական լարված իրավիճակ է, որը երբեմն մի քանի ամիսների ընթացքում թույլ չի տալիս թուլանալ եւ արձակուրդն անցկացնել այնպես, ինչպես մի քանի տարի երազել ես:

Մեզ հայտնի է նրանց կյանքի միայն մի երեսը՝ փայլելու աստիճան մաքրված եւ տոնական: Նրանց կյանքի հենց այդ կողմին ենք մենք նախանձում, ովքեր՝ լուռ, ովքեր էլ՝ բարձրաձայն: Մենք քննարկում ենք նրանց հոնորարները եւ կյանքի մակարդակը, լսում աստղերի մասին բամբասանքներ:

Եվա Ռիվասը պատմել է 10 փաստի մասին, որի մասին ոչ ոք չգիտի.

1. Ես շատ եմ վախենում խուտուտից:

2. Օրական 5-6 բաժակ սուրճ եմ խմում:

3. Իմ ֆոբիան թռչուններն ու թիթեռներն են:

4. Ես մաքրության սինդրոմ ունեմ:

5. Ինքս եմ ինձ համար անկրկնելի համեղ թեյ պատրաստում տարբեր բույրերից եւ բուժիչ խոտերից, երբեմն՝ չորացրած մրգերից, նարնջի կամ կիտրոնի կեղեւից, մասուրից եւ շատ այլ բաղադրիչներից:

6. Իմ թուլությունը զենքն ու ավտոմեքենաներն են:

7. Ես մի ամբողջ կարողություն եմ վատնում ամենատարբեր մերսումների եւ նիհարեցնող SPA-ի համար:

8. Շատ եմ վախենում բարձրությունից:

9. Շատ լավ մերսում եմ կատարում:

10. Մանուկ տարիքից գուշակում եմ TARO խաղաթղթերով:

Աղբյուրը՝ style.news.am