Հայաստանի ՏԿԱԻՆ-ում, օգոստոսի 9-ին, ժամը 14.40-ին ահազանգ է ստացվել, որ Կոտայքի մարզի Առինջ գյուղից դեպի Ջրվեժ գյուղ տանող ավտոճանապարհին տեղի է ունեցել ավտովթար, կան տուժածներ. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Ֆոլասվագեն Տուարեգ» մակնիշի 03 TT 033 պ/հ (վարորդ` 49-ամյա Ս. Ա.,) եւ «ԵրԱԶ» մակնիշի 65 US 332 համարանիշի (վարորդ` 52-ամյա Ա. Ա.) ավտոմեքենաները:
Ավտոմեքենաների վարորդները, «ԵրԱԶ»-ի ուղեւորներ՝ 25-ամյա Ս. Հ.-ն եւ 31-ամյա Ա. Ե.-ն տեղափոխվել են «Սրբ. Գր.Լուսավորիչ» ԲԿ, որտեղ նրանց առողջական վիճակը գնահատվել է կայուն ծանր:
Հրշեջ-փրկարարները հոսանքազրկել են «ԵրԱԶ» մակնիշի ավտոմեքենան եւ փակել գազի բալոնի փականը: