Blog1in.am-ը գգրում է. Նախորդ դարից ի վեր, երբ ստեղծվեց ինքնաթիռը, մարդիկ պարբերաբար ճանապարհորդում են ամբողջ աշխարհով մեկ և հավանաբար երկար ժամանակ կշարունակեն ճանապարհորդել։ Ինքնաթիռով ճանապարհորդողներից միայն պահանջվում է խորը հավատ ունենալ ավիաուղիների և օդաչուների նկատմամբ։ Վերջիններս իրենց կյանքն են վտանգում՝ ինքնաթիռը ճշգրտորեն, արդյունավետ և ամենակարևորը՝ ապահով վարելու համար։ Ընդ որում, ուղևորները միշտ ցանկանում են իմանալ՝ արդյո՞ք ինքնաթիռն ապահով է, թե՞ ոչ, արդյո՞ք իրենք ապահովագրված են, թե՞ ոչ, էլ չենք խոսում ինքնաթիռի անձնակազմի նկատմամբ տածած մեծ ակնկալիքների մասին։
Ոչ ոք չի ցանկանում հավատալ, որ բորտուղեկցորդներն ուղևորների հանգիստն ապահովելու փոխարեն իրենց հեռախոսներով են խաղում, կամ որ օդաչուն ինքնաթիռը վարելու ու վերահսկելու ընթացքում քնած է։
Անկախ նրանից, թե որքան փորձառու են ուղևորները, կան բազմաթիվ անհասկանալի և հանգիստը խաթարող գաղտնիքներ, որոնք նույնիսկ հաճախ ուղևորություն կատարողների համար անհայտ են մնում։
Երբ մի քանի օդաչուներից, բորտուղեկցորդներից և ավիաընկերության մասնագետներից հարցազրույց վերցրեցին՝ հուսալով թռիչքի մասին ավելի մանրակրկիտ և գաղտնի փաստեր իմանալ, վերջնարդյունքը մի շարք գաղտնիքների բացահայտումն էր, որոնցից շատերը գարշելի էին՝ ինքնաթիռի թաքնված հարմարությունների բացահայտում, անգրագետ բորտուղեկցորդներ, կեղտի մեջ կորած վերմակներ և բարձեր, ուղեբեռի և տնային կենդանիների նկատմամբ ոչ պատշաճ վերաբերմունք…
Ավաղ, այս անհասկանալի գաղտնիքները կհաստատեն ճանապարհորդողների հիմնավորված վախերը, և վերջին հաշվով նրանք ինքնաթիռով ճանապարհորդելու մասին նոր պատկերացումներ կունենան։
14 Բորդուղեկցորդները, շատ հնարավոր է, ընթրիքը չեն մատուցում ինչ-ինչ պատճառներով
«Գիշերային ուղևորության ժամանակ մենք ինչքան կարող ենք՝ ուշացնում ենք ընթրիքը, որպեսզի դուք քնեք, և մենք անելու քիչ բան ունենանք»,-խոստովանում է մի բորտուղեկցորդ, որը գերադասեց անանուն մնալ։
Նույնը վերաբերում է նաև խմիչքներին. նրանք այս դեպքում նույնպես գծուծ են։ Այլ կարևոր գործոնների մասին (փոքր անձնակազմով թռիչքներ, ծայրահեղ անհրաժեշտության սարքերի կարգավորում, որոնցից մեկը թթվածնային դիմակն է) կխոսենք ավելի մանրամասնորեն։
13. Մի՛ կպեք ինքնաթիռի ջրին… երբեք
«Երբեք ինքնաթիռում չհամաձայնվեք ջուր խմել, եթե այն շշով չի մատուցվում։ Երբևէ ՉԿՊՉԵՔ ԴՐԱՆ։ Զուգարանը մաքրելու և խմելու ջուրն ինքնաթիռ մատակարարելու ծառայության վայրերը միմյանցից ընդամենը մի քանի քայլ հեռավորության վրա են գտնվում, և երբեմն այս ծառայությունները մատուցվում են միաժամանակ, միևնույն աշխատակցի կողմից»,-կիսվում է @gruntman-ը Reddit-ում։
2002թ. The Wall Street Journal-ի նախաձեռնությամբ՝ կատարվել էր ծորակի ջրի զննում, որպեսզի ստուգեն անձնակազմի ճշտապահությունը և մաքրությունը։ Նրանք հայտնաբերեցին, որ բակտերիաների քանակությունն ԱՄՆ-ի կառավարության թույլատրելի սահմաններից դուրս է և այդպիսով ապացուցեցին, որ այս՝ անհանգստանալու տեղիք տվող խոստովանությունը ճիշտ է։
12. Այս թթվածնային դիմակների միջի օդը միայն 15 րոպե կբավականացնի
Ինքնաթիռում տեղի ունեցող ցանկացած իրավիճակ թթվածնային դիմակի միջի օդի հատելուց հետո սարսափելի է։ Սակայն իմանալով, որ դիմակի միջի օդը միայն 15 րոպե է բավականացնում, իրավիճակն ավելի սարսափելի է դարձնում։
«Best Online Travel Expert» by Money ամսագրի և airfarewatchdog.com կայքի հիմնադիր Ջորջ Հոբիկան ասում է. «Որպես կանոն, հենց որ դիմակի օդը հատում է, օդաչուն որքան հնարավոր է ցածր արագությամբ իջնում է և մոտակա օդանավակայում վայրէջք կատարելու տարածք գտնում»։
11. Թռիչքի ժամանակ ձերբակալվելը դեռևս հնարավոր է
Ինքնաթիռի կապիտանը որոշակի նախաձեռնությունների իրավունք ունի, օրինակ՝ «մարդկանց ձերբակալել, տուգանք գրել և նույնիսկ մահացող ուղևորի սեփականությունը վերցնել»,- բացահայտում է @virgadays-ը Reddit-ում։
Ավիագծի մասնագետ և expertflyer.com համահիմնադիր Քրիս Լոփինթոնը բացատրեց, որ ծայրահեղ իրավիճակի դեպքում օդաչուն կարող է ղեկավարությանը կանչել՝ ինքնաթիռի շարժվելուց հետո անհնազանդ ուղևորին ձերբակալելու համար։ «Կապիտանը կարող է ձեր գործողությունները սահմանափակել, սակայն նա չի կարող օրինական կերպով ձեզ «ձերբակալել»,-ասաց Քրիսը։
Բորդուղեկցորդներից մի քանիսն այս տեղեկությունը հաստատեցին՝ ասելով, որ օդաչուն իսկապես ինքնաթիռում հեղինակություն է վայելում՝ չնայած այն փաստին, որ չի կարող ձերբակալել մարդկանց։
10. Օդաչուները թռիչքի ժամանակ քնում են
Թրեսի Քրիստոֆը՝ JetBlu-ի ավիաուղու արդյունաբերության 20 տարվա փորձ ունեցող բորտուղեկցորդը, հաստատեց. «Երկար թռիչքների ժամանակ օդաչուներին հանձնարարում են հանգստի ժամեր ունենալ, մինչ իրենց փոխարինող օդաչուն վարում է ինքնաթիռը»։ Դրանից հետո մի քանի օդաչուներ ևս խոստովանել են, որ թռիչքի ընթացքում որոշ ժամանակ քնում են։ Տրանսպորտի անվտանգության ազգային գործակալության տնօրեն Մարկ Ռոսենքերն ասաց. «Երբ օդաչուները մտնում են խցիկ, շատ դեպքերում չեն գիտակցում, որ ուժասպառ են»։
9. Ինքնաթիռի օդն իրականում շարժիչի կոմպրեսորների օդն է
«Այն օդը, որ դուք ինքնաթիռում շնչում եք, շարժիչներում խտացված օդն է։ Օդի 25-50%-ը չվերթի տախտակամածի վրա է փչում, իսկ մնացածն ուղևորների համար է մնում։ Օդը «լքում» է ինքաթիռը ֆյուզելյաժի ետևում գտնվող անցքի միջոցով»,- կիսվում է @virgadays-ը Reddit-ում։
Վերջերս կատարված հետազոտությունները ցույց են տվել, որ այն օդը, որն ուղևորները շնչում են, մաքուր օդի և ինքնաթիռի շարժիչի օդի խառնուրդն է։ Զարմանալիորեն այս օդային խառնուրդի օգտագործումը մաքուր օդի փոխարեն նպաստում է ջերմաստիճանի կարգավորմանը և պահպանում է խոնավությունը։ Ուստի այսպես կոչված «շարժիչի օդն» այնքան էլ մտահոգիչ չէ, ինչքան թվում է։
8. Ինչպես է ստուգված բեռն իրականում «ստուգվում»
«Եթե ասվում է «թույլ», ապա հասկացվում է «ուժեղ», եթե ասվում է «ուղիղ», հասկացվում է «շրջված»։ Մենք բեռնափոխադրիչի վրա ավելի քան 100 պայուսակ ենք տեղավորում։ Պետք է տեղավորվի, կապ չունի՝ ինչպես»,-խոստովանում է օդանավակայանի ուղեբեռի անանուն բեռնակիրը։
Բացի բեռի վատ վերաբերվելուց՝ այլ իրերը նույնպես կորչում են, սխալ վայրեր տեղափոխվում կամ գողացվում՝ շնորհիվ օդանավակայանի «պատշաճ» կարգավորումների։
7. Ինքնաթիռի շարժվելուց հետո բիզնես կարգ տեղափոխվելը հնարավոր է
Ճանապորհորդության հարցով զբաղվող առցանց մասնագետ Ջորջ Հոբիկան ասաց, որ նա բազմաթիվ բորտուղեկցորդ ընկերներ ունի։ Երբ նա նրանցից մեկին հարցրեց բիզնես կարգ տեղափոխվելու մասին, ընկերը պատասխանեց, սակայն ցանկացավ անանուն մնալ. «Այո, մենք կարող ենք ինքնաթիռի դռների փակվելուց հետո բիզնես կարգ տեղափոխել մարդկանց։ Մենք դա այդքան հաճախ չենք անում մասնավորապես այն պատճառով, որ որոշ ավիաընկերություններին պետք է բացատրենք՝ ինչու ենք այդպես վարվել, ինչպես նաև այն պատճառով, որ առաջին նստատեղերը երբեմն զբաղեցված են լինում»։
Պարզվել է՝ այն կերպարը, որով ուղևորներին բիզնես կարգ տեղափոխվելու հավանականությունն աճում է, նա է, ով հարգալից վերաբերմունք է ցուցաբերում, լավ հագնված է, վայելուչ և գրավիչ մարդու տպավորություն է թողնում կամ երեխայի հետ է։
6. Մարդիկ գողանում են փրկարար բաճկոնները
«Մարդիկ իրենց նստատեղերի տակ կամ մեջտեղում գտնվող փրկարար բաճկոնները որպես հուշանվեր գողանում են։ Սա նողկալի իրավախախտում է, և մինչ ավիաընկերությունները յուրաքանչյուր նստատեղը ստուգում են ամեն օրվա սկզբին, ինքնաթիռը կարող է օրական մի քանի թռիչք կատարել, որի ընթացքում ոմն ուղևոր կարող է հաջողացնել այդ բաճկոններից մեկը գողանալ»,-խոստովանեց ճանապարհորդության հարցով զբաղվող առցանց մասնագետ Ջորջ Հոբիկան։
Իհարկե ինքնաթիռում միայն փրկարար բաճկոններ չեն գողանում։ Ուղևորների հեռանալուց հետո անձնակազմը երբեմն հայտնաբերում է, որ անհետացել են գաջետներ, սարքեր և այլ թանկարժեք իրեր։ Բորտուղեկցորդ Չառլի Սանդերսը խոստովանեց, որ բացիKindle, iPad, iPhone 4 գտնելուց՝ նա նաև մեծ քանակությամբ փող է գտել։
5. Բորտուղեկցորդները հավանաբար հեռախոսային կանոններին չեն հետևում
Մինչև թռիչքը հեռախոսներն անջատելն ամեն բորտուղեկցորդին քաջ հայտնի և նողկալի երևույթ է։ Նախքան Դաշնային ավիացիոն վարչության որոշումն էլ 2013թ. որոշվել էր, որ ավելի ապահով կլինի, եթե թռիչքըից առաջ անջատված լինեն էլեկտրոսարքավորումները։
Պրոֆեսիոնալ բորդուղեկցորդի համար քաղաքավարի չէ ուղևորներին սպասարկելու փոխարեն հեռախոսներ օգտագործելը՝ անկախ նրանից, թե դա տեղի է ունենում նախքան թռիչքը, դրա ընթացքում, թե հետո։
@dora_de_destroya-ն Reddit-ում պատմում է. «Իմ քույրը բորդուղեկցորդուհի է։ Նա բոլորին իրենց հեռախոսներն անջատել պարտադրելուց հետո հետ է վերադառնում, վերցնում է իր հեռախոսը և նամակներին պատասխանում»։
4. Խմելու ընթացքում ընկերակցությունը «երկար ճանապարհ» է անցնում
US Airways Express-ի նախկին բորտուղեկցորդ Աբբի Ունգերը, ով թոշակի անցնելուց հետո գրեց բորտուղեկցորդ դառնալու մասին գիրք, խոստովանեց. «Շատ ավիաընկերություններ չեն ողջունում ընկերակցությունը խմելու ընթացքում և առաջարկում են անձնակազմին՝ մերժել ուղևորի առաջին իսկ համոզելու փորձը։ Սակայն երկրորդ և երրորդ անգամ փորձեք համոզել, և ձեր բորտուղեկցորդն արդեն հեշտությամբ կհամաձայնվի»։
Մանրամասները` սկզբնաղբյուր կայքում
