Լոնդոնում նորվեգացի Մագնուս Կարլսենի հաղթանակով ավարտվեց շախմատի աշխարհի չեմպիոնի հավակնորդների մրցաշարը: Աշխարհի առաջին համարն առաջին անգամ կպայքարի աշխարհի չեմպիոնի տիտղոսի համար: Աշխարհի գործող չեմպիոն Վիշվանաթան Անանդի դեմ չեմպիոնական մրցախաղը տեղի կունենա հաջորդ տարի:
Հավակնորդների մրցաշարի վերջին տուրում Վլադիմիր Կրամնիկը սեւերով պարտվեց Վասիլի Իվանչուկին եւ Կարլսենի հետ վաստակեց 8.5-ական միավոր: Կարլսենը վերջին տուրում պարտվեց Պյոտր Սվիդլերին: Հավասար արդյունքի պայմաններում Կարլսենը գրավեց առաջին տեղը, քանի որ մրցաշարում տարել էր 5 հաղթանակ, իսկ Կրամնիկը՝ 4 հաղթանակ: Անձնական հանդիպումներում հաշիվը հավասար էր՝ երկու ոչ ոքի:
Աղբյուրը` Նյուզ.am Sport
