«Հայաստան» խմբակցության պատգամավոր Գառնիկ Դանիելյանի գրառումը. «Վեդիում մասնակցեցի ավագանու նիստին, որտեղ թեժ քննարկում տեղի ունեցավ Կարմիր սարում հանքի բացման հարցի շուրջ:
Չնայած մեր արձանագրած բազմաթիվ մտահոգություններին՝ Վեդիի ավագանու իշխանական ներկայացուցիչները միաձայն կողմ քվեարկեցին հանքի բացման նախագծին:
Մենք սպասելու ենք նոր ՇՄԱԳ-ին՝ խնդիրը պահելով մեր ուշադրության կենտրոնում։

Դիտեք նաև՝

Վեդիի ավագանու դռնբաց նիստին մարդկանց ընտրողաբար են թույլատրում մասնակցել․ այս մասին քննարկումից առաջ ահազանգում էին բլոգեր Արթուր Չախոյանն ու «Քաղաքացու ձայնը» հարթակը. «Ըստ տեղեկությունների, ավագանին այսօր պետք է քննարկի «ՕՐԴ ԳՐՈՒՊ» ՍՊԸ-ի կողմից ներկայացված՝ ՀՀ Արարատի մարզի Կարմիրսարի կրաքարային մերգելների հանքավայրի օգտակար հանածոյի հանքարդյունահանման աշխատանքներին նախնական համաձայնություն տալու հարցը»,- նշված է տեքստում:

«Էս ա էսօրվա ժողովրդավարությունը, սա խայտառակություն է, համայնքապետարանի դուռը փակ է, դռնբաց նիստերը փակ են անցկացնում»,- ֆեյսբուքյան եթերում հայտնել էր Չախոյանը։ Ավելի ուշ վերջինիս ու Հովսեփ Ղազարյանին թույլ էին տվել մտնել ներս ու մասնակցել քննարկմանը: