Բլոգեր Արթուր Չախոյանը գրառում է կատարել իր էջում՝ կցելով լուսանկար. «Հիշում եք չէ, որ անցած տարի հանրայնացրել էի, թե ոնց էր «Նարեկ» թոնրատունն ապօրինի, անօրինական գործունեություն սկսել կանաչ գոտու տարածքում` առանց թույտվության, ու սրճարան էր սարքել:

Հիշում եք չէ, ինչպես անցած տարի Երևանի քաղաքապետարանը մեծ աղմուկով ապամոնտաժեց Գայի պողոտայի «Նարեկ» թոնրատունը: Համացանցում էլ տեսանյութներ եղան այդ մասին և այլն, ժողովուրդն էլ ուրախացել էր...

Փաստացի դուրս էկավ այն, որ «Նարեկ» թոնրատունն առանց թույտվության կանաչ գոտում բացօթյա սրճարան էր սարքել, հետո մեկ օրում թփերն ու ծառերը կտրել, և նույն օրը գիշերով ապօրինի շինարարություն էր արել ու առավոտյան արդեն ավարտին էր հասցրել...
Դիմել էի Երևանի քաղաքապետարան, Նոր Նորք վարչական շրջանի ղեկավարին էի տեղեկացրել, զանգել էի 1-05, բայց ոչ մի արդյունք... Այսօր արդեն «Նարեկ» թոնրատունը նախկին կանաչ գոտու տարածքում սրճարան է սարքել ու արդեն իսկ օրինական է»։