Լրացավ Time Production կազմակերպության գործունեության 1 տարին: Կազմակերպությունը, իր առջև նպատակ է ունեցել շարունակել ու զարգացնել կինո և լուսանկարչական արվեստը: Մատուցելով մի շարք ծառայություններ մեդիա ոլորտում՝ Time Production-ը հանդես է գալիս նաև Գյումրու երիտասարդական կյանքն աշխուժացնող գաղափարներով: Համախմբվելով մեկ գաղափարի շուրջ Time Production-ի աշխատակազմը գնահատում է ժամանակի կարևորությունը և 1 տարում իրականացրել է բազմաբնույթ ծրագրեր: Առաջին նախագիծը հենց Happy Gyumri տեսահոլովակի պատրաստումն էր, որը Հայաստանում և Հայաստանի սահմաններից դուրս գյումրեցուն ներկայացրեց երջանիկ ու ժպտադեմ: Կազմակերպության կարևոր ծրագրերից է նաև Happy արեգակ տեսահոլովակը, որտեղ ներկայացվեցին սահմանափակ կարողություններով երեխաներ: Time Production-ը այս մեկ տարում իրականացրել է նաև ֆոտոշարքեր՝ կարևոր և զավեշտալի տարբեր իրադարձությունների շուրջ: Կազմակերպության մասին հավելյալ տեղեկություններ կարող եք գտնել հետևյալ տեսահոլովակում: