«Օրդուբադում անցկացվող համաժողովին նաև Կոմիտաս հնչեցրեցին, նրա մշակումները հնչեցրեցին որպես ադրբեջանական ազգային երաժշտություն: Ո՞ւր է մեր կոմպոզիտորների միությունը, չկա, վախից մտել եք պլինտուսների տակ: Գոնե էս հարցում ձայն հանեք»,- «Հայելի» ակումբում ասուլիսի ժամանակ հայտարարեց նախկին պատգամավոր Նաիրա Զոհրաբյանը: «Տիգրան Մանսուրյա՛ն, ծեփվել էիր քաղաքապետ Ավինյանի դոշին («Արև Արենայում» համերգի ժամանակ-խմբ.), բա ձեն հանի, Կոմիտասը ներկայացվում է որպես ադրբեջանական ազգային երաժշտություն»,- հավելեց նա:

***

«Տեսա՞ք՝ կրակի տակ գտնվող Սյունիքում ինչքան ձայն ստացավ Նիկոլը»,- խոսելով խորհրդարանական ընտրությունների ու ՔՊ-ի ստացած քվեների մասին՝ ասել է նախկին պատգամավոր Նաիրա Զոհրաբյանը: Նա անդրադարձել է նաև կուսակցությունների՝ ՍԴ դիմելու փաստին ու սպասելիքներին. «Բնականաբար, ՍԴ-ն հայտարարելու է, որ որևէ հիմք, պահանջ չկա՝ ընտրություններն անվավեր ճանաչելու: Ուզում եմ հույս ունենալ, որ ընդդիմադիր բոլոր ուժերը, ովքեր դիմել են ՍԴ, շատ լավ գիտեն՝ ինչ վճիռ է կայացվելու ու ունեն ճանապարհային հետագա քարտեզ: Եթե չունեք, եթե ՍԴ-ն ձեզ պետք է, որ ժամանակ ձգեք ու ձեր մանդատները վերցնեք, ապա Նիկոլն ամենաարդար բանն է, որ տեղի է ունեցել մեզ հետ ու տեղի է ունենալու ձեզ հետ»,- հավելել է նա: