Իրանում 2025 թվականի դեկտեմբերի վերջից բողոքի ցույցեր են ընթանում՝ ազգային արժույթի անկման և գների կտրուկ աճի պատճառով։ HRAI մարդու իրավունքների կազմակերպության տվյալներով՝ ցույցերի հետևանքով զոհվել է առնվազն 544 մարդ, այդ թվում անվտանգության ուժերի 48 անդամ։

***

ՀՀ սփյուռքի գործերի գլխավոր հանձնակատար Զարեհ Սինանյանը, անդրադառնալով Իրանում տեղի ունեցող իրադարձություններին, հայտնել է, որ համացանցի անջատման պատճառով, ուրբաթ օրվանից տեղեկություններ չունեն մեր հայրենակիցներից. «Այս պահին էլ չենք կարողանում կապվել մեր հայրենակիցների հետ, որը մեզ շատ է անհանգստացնում: Շարունակելու ենք մեր ջանքերը՝ կապ հաստատելու»,- նշել է պաշտոնյան: