Հովիկ Աբրահամյանի՝ վարչապետ դառնալուց հետո, անընդհատ խոսվում էր, որ շուտով պաշտոնին հրաժեշտ է տալու վայոց Ձորի մարզպետ Էդգար Ղազարյանը:
Նման հեռանկարն ինձ չի էլ զարմացնում, քանի որ մենք ապրում ենք երկրում, որտեղ ամեն բան որոշվում է ոչ թե քաղաքական տրամաբանությամբ կամ արդյունավետ կառավարման գործոնով, այլ՝ անձնական ընկալումներով:
Էդգարը տարիներ առաջ հեռակա լեզվակռիվ էր ունեցել ԲՀԿ նախագահ Գագիկ Ծառուկյանի հետ, ու մամուլն ենթադրում է, որ Ծառուկյանի խնամի Աբրահամյանը դա չի ների:
Էդգարը գուցե բարի, նույնիսկ լուսավոր մարդ է, բայց նրա տիպի պաշտոնյաների ճակատագիրն ամենաքիչն է կախված լավ կամ վատ աշխատելուց:
Ղազարյանը պաշտոնին հայտնվեց, որովհետև Վայոց Ձորը ՙՙնայողների՚՚՝ Արսենյանների հովանավորյալն էր, հետո, ինչքան տեղյակ եմ, խնդիր ունեցավ այս գործարարների հետ, սակայն պաշտոնը պահեց, որովհետև նախընտրական փուլում ՙՙքլնգում՚՚ էր ԲՀԿ-ին:
Հիմա իշխանությունների առաջնահերթությունը փոխվել է. ԲՀԿ-ն նրանց բարեկամը չէ, բայց կարևորվում է նրա հետ ՙՙլեզու գտնելը՚՚:
Այդ բարդ առաքելությունը ստանձնել է Հովիկ Աբրահամյանը ու կանխատեսվում է, որ նա պետք է ազատվի մարդուց, ով ՙՙլեզու էր ֆռացրել՚՚ Բարգավաճի վրա....
