Թուրքիայի ոստիկանությունը Քոջաելի նահանգի Գյոլջուքի շրջանում բետոնի մեջ թաղված հայտնաբերել են Գերմանիայի քաղաքացի, ազգությամբ հայ 39-ամյա Ռիտա Դարի Վինքլերի դին։ Ինչպես տեղեկացնում է Ստամբուլի հայկական «Ակոս»-ը, Անթալիայի գեղեցկության սրահներից մեկում որպես վարսավիր աշխատող Ռիտա Դարի Վինքլերը 34 օր առաջ ընկերոջ հետ տեսակցելու համար մեկնել է Ստամբուլ, որից հետո նրանից տեղեկություն չեն ունեցել մտերիմներն ու հարազատները։ Դատախազությունից թույլտվություն են ստացել նրանց ընտանեկան գերեզմանատանը, այգում և մերձավորին պատկանող շինության մոտ փորելու ու որոնումներ կատարելու համար։ Այգում ոչինչ չի հայտնաբերվել։ Վինքերի դին հայտնաբերվել է սպանության մեջ կասկածվող ընկերոջ  բարեկամի աշխատավայրում՝ բետոնի մեջ թաղված։