ԱՄՆ -ում բնակվող երգչուհի Շպռոտը գրառում է կատարել ֆեյսբուքյան իր էջում` հանդես գալով վերջին օրերին համացանցի օգտատերերի քննադատության թիրախում հայտնված հաղորդավար Ավետ Բարսեղյանի պաշտպանությամբ:
-Ուզում եմ հասկանալ` ես ի՞նչ նոր տենդենց է ոմանց մոտ վատաբանել Ավետ Բարսեյանին: Ես Ավետին շատ եմ սիրում ու ընդունում, պա ՞րզ է բոլորին,-գրել է Շպռոտը:
Նշենք, որ վերջին օրերին շատերի քննարկման նյութն է դարձել «Շանթ» հեռուստաընկերության «X-Factor» նախագծի ընթացքում մասնակիցներից Շաքե Մովսիսյանի և ժյուրիի անդամ, շոումեն, հաղորդավար Ավետ Բարսեղյանի միջև առաջացած ընդհարումը: Սոցիալական ցանցերը ողողվեցին Ավետ Բարսեղյանի պահվածքը դատապարտող մեկնաբանություններով: Ավետ Բարսեղյանը «X-Factor» նախագծի ժյուրիի մշտական անդամ չէ, այդ օրը նա փոխարինում էր երգիչ Անդրեին:
Հիշեցնենք, որ մրցույթի ընթացքում Շաքեի ելույթը ձեռքի կտրուկ շարժումով ընդհատեց Ավետը` նրա ելույթն իր համար «ձանձրալի» անվանելով:
Ավելացնենք, որ համացանցում Ավետ Բարսեղյանի վերաբերյալ գրավոր քննադատություններին արդեն փոխարինելու են եկել նաև տեսանյութով քննադատությունները. դրանցից մեկին կարող եք հետել ստորև.
