Այսօր՝ հոկտեմբերի 10-ին, համացանցում տեղեկություններ են տարածվել այն մասին, որ Սյունիքի նախկին մարզպետ Սուրեն Խաչատրյանի դուստրը՝ Սվետլանա Խաչատրյանը ֆեյսբուքյան իր էջում ստատուս է գրել հոր՝ Ս. Խաչատրյանի՝ աշխատանքից ազատելու հետ կապված:
SHAMSHYAN.com-ի թղթակցի հետ զրույցում Ս. Խաչատրյանը տեղեկացրեց. «Համացանցում իմ անունից տարբեր բնույթի տեղեկություններ է տարածվել այն մասին, որ, իբրև, ես անդրադարձել եմ անցած շաբաթ իմ հոր՝ Ս. Խաչատրյանի պաշտոնանկությանը և, իբրև, մարդկանց անվանել եմ ստրկամիտ ու տգետ, ովքեր ոգևորվել են այդ հանգամանքից: Տարածվել է նաև, թե, իբրև, ես վատ վերաբերմունք եմ արտահայտել մարդկանց հասցեին: Ես կարծում եմ, որ այդ ամենը ինչ-որ մարդկանց կողմից միտումնավոր սարքած է, ես նման բնույթի ոչ մի ստատուս չեմ գրել իմ ֆեյսբուքյան էջում և այդ ամենը ինչ-որ մարդկանց կողմից զառանցանքներ է և այդ ամենը համարում եմ նրանց կողմից անբարոյականություն»:
Ս. Խաչատրյանը տեղեկացրեց նաև, որ ինքը վստահ է, որ իր ֆեյսբուքյան էջը կոտրել են և դրա համար պատրաստվում է դիմել ՀՀ Ազգային Անվտանգության ծառայություն և ՀՀ ոստիկանության կազմակերպված հանցավորության դեմ պայքարի գլխավոր վարչության մտավոր սեփականության դեմ պայքարի վարչություն:
«Ես վստահ եմ, որ իրավապահները կարճ ժամանակում կհայտնաբերեն այդ անձին ու հանրությունը կիմանա՝ ով կամ ովքեր են իրականում այդ զառանցանքների հեղինակը կամ հեղինակները»:
Շարունակությունը՝ սկզբնաղբյուր կայքում
Կարդացեք նաև. 20 տարի մեզ ղեկավարում են մի քանի կիսագրագետ, որոնց ղարաբաղցի են ասում. Սուրիկ Խաչատրյանի դուստր
