Սերժ Սարգսյանն անդրադարձել է  իր «այ տենց եք մտածում, որ խիարը թարս ա բուսնում» արտահայտությանը, որն անցած օրերին լայնորեն քննարկվում էր համացանցում  և որի պատճառով Սերժ Սարգսյանին քննադատում էին:


«Մովսես գյուղում, որ կայքերը լավ անդրադարձան իմ խոսքին, ինչու էի փորձել իր լեզվով խոսել, որ մարդու համար ընկալելի լինի, որ Մովսես գյուղում գործարան չի կարող լինել, պետք է հող մշակես»,– ՀՀԿ-ական պատգամավոր  Շուշան Պետրոսյանի հարցին պատասխանելով, թե ինչ ծրագրեր կան սահմանամերձ գյուղերում,  ասել է  Սերժ Սարգսյանն ու նշել, որ իրենց խնդիրն էլ կլինի ապահովել, որ գյուղում ինտերնետ լինի, գազ լինի։

Տավուշի մարզի Մովսես գյուղում Սերժ Սարգսյանն` «այ տենց եք մտածում, որ խիարը թարս ա բուսնում» արտահայտությունով պատասխանել էր տարեց մի մարդու բողոքին, թե գյուղում գործարան չի կառուցվում, աշխատատեղեր չկան։