Անկախ նրանից, թե ի՞նչ է թաքնված այս խորհրդավոր լռության ետևում, թե ի՞նչ է կատարվում Կրեմլի պարիսպներից անդին, ամեն բան արվում է միայն մեկ նպատակով՝ երկարաձգել արյունաքամ լինող, հոգին տվող կայսրության շունչը: Թեկուզ անձնափոխություններով, հարկ եղած դեպքում նաև զոհաբերություններով, քուդեթայով, ամեն բան կանեն, կմոգոնեն, կբեմադրեն՝ միայն, թե ժամանակ շահեն, թայմ-աուտ վերցնեն, ժողովրդին խափեն, Մայդանը խափանեն, աշխարհի աչքին թոզ փչեն: Շատ նման է ՊՈՒՏՉ-ի իրադրությանն ու բեմադրությանը: Ամեն բան նման է նաև՝ շինծու «ֆորսմաժորային» իրավիճակներում փոփոխությունների հետ հույսեր կապող, մոռացկոտ և դյուրահավատ մարդկանց մոտ: Կրկին ոգևոություն, կրկին ինքնախաբեություն, կրկին ու կրկին ապացույց, որ 100-ամյա չարիքի կայսրությունը դեռ չի ճանաչվել իրական դեմքով... Կապրենք այս մեկը նույնպես, կսպասենք հաջորդ արարին...