▲ Դեպի վեր

lang.iso lang.iso lang.iso

«Սահակյանց» ստուդիային զրկում են տարածքից․ Դավիթ Սահակյանցն ահազանգում է

Ռեժիսոր, մուլտիպլիկատոր Դավիթ Սահակյանցին պատկանող «Սահակյանց» անիմացիոն ստուդիայի, որը գործում է Երևանի Վարդանանց փողոցի 30 հասցեում, զրկվում է պետության կողմից անհատույց տրամադրված տարածքից։ Այս մասին ահազանգում է անձամբ Սահակյանցը։

«ՀՀ կառավարության որոշման համաձայն` Սահակյանց ստուդիային զրկում են տարածքից, որը տրամադրվել էր անհատույց 2014 թ․-ին կնքված պայմանագրով և դեռ երկար տարիներ պետք է ծառայեր երեխաներին և ուսանողներին կրթելու, բազմաթիվ երեխաների հյուրընկալելու՝ հայկական անիմացիային ծանոթացնելու և նոր անիմացիոն ֆիլմեր ու նախագծեր ստեղծելու նպատակով։ Ոմանք կարծում են, որ դա այնքան էլ կարևոր գործ չէ․․․»,– նշել է Սահակյանցը։

Նա գրել է, որ դեռ առնվազն 10 տարի կարող էին աշխատել ու դասավանդել, բայց «գործող իշխանությունը միայն մեկ նպատակ ունի` քանդել, ոչնչացնել և վրեժխնդիր լինել նրանցից, ովքեր իրենց դեմ են»։

Իրավիճակով պայմանավորված, «Սահակյանց» անիմացիոն ստուդիայի դասընթացների նոր ուսումնական տարվա ընդունելությունը հետաձգվում է անհայտ ժամանակահատվածով,– նշել է նա։

Դիտեք նաև՝

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել Asekose.am-ի խմբագրության տեսակետների հետ: Նյութերի ներքո` վիրավորական ցանկացած արտահայտություն կհեռացվի կայքից:
Հասարակություն more