«Սա ոչ միայն հակասահմանադրական է, այլ նաև ցույց է տալիս, որ մարդն իրեն ավելի վեր է դասում, քան երկրի կառավարությունն ու նախագահը: Որևէ մեկը նրան այդպիսի իրավասություն չի տվել, որ ինքը որոշի, թե մինչև երբ է աշխատելու: Նման հայտարարությունից հետո ՀՀ կառավարությունն ինքը պետք է նախաձեռնի պաշտոնանկ անելու գործընթացը, որովհետև սա ակնհայտ արհամարհական վերաբերմունք է մեր պետության, օրենսդրական ամբողջ համակարգի նկատմամբ»,- անդրադառնալով Գորիսի միջադեպին և  Սյունիքի մարզպետի  մինչ նախաքննության ավարտը լիազորությունների ժամանակավոր դադարեցմանը` ասել է  ԱԺ ՀՅԴ խմբակցության պատգամավոր Արծվիկ Մինասյանը: