Հետաքրքիր իրադարձություն տեղի ունեցավ Հայաստանի Բարձրագույն խմբի առաջնության 17-րդ տուրի «Բանանց»–«Շիրակ» հանդիպման ընդմիջմանը:
Ավանդույթի համաձայն, դաշտի տեր ակումբը տարբեր մրցույթների օգնությամբ նվերներ են հանձնում մասնակից երկրպագուներին, իսկ միջոցառումը վարում էր VivaroNews-ի աշխատակից, մարզական հայտնի մեկնաբան Ռոբերտ Գասպարյանը:
Նա միջոցառման ընթացքում մոտեցավ տրիբունային, և անսպասելի քայլ կատարեց՝ ամուսնության առաջարկ կատարելով այնտեղ գտնվող իր սիրելիին՝ Ասպրամ Սարատիկյանին:
Հաճելի իրադարձություն, որը հեքիաթային էր սիրող զույգերի, զարմանալի և տպավորիչ՝ մարզադաշտում գտնվող երկրպագուների համար:
