«Ռեալ Սոսյեդադի» մամուլի պատասխանատու Ջոն Անդեր Մունդուատեն կիսվել է ֆուտբոլիստ Արսեն Զախարյանի վիճակի վերաբերյալ թարմացված տեղեկություններով։

«Զախարյանը երեկ վերադարձել է թիմի հետ մարզումներին։ Նա առանց որևէ խնդրի աշխատում է հիմնական խմբի հետ», - Մունդուատեի խոսքերն է մեջբերում Sport24-ը։

Ավելի վաղ լրատվամիջոցներում լուրեր էին շրջանառվում, որ ակումբը պատրաստ է քննարկել 23-ամյա ֆուտբոլիստի տրանսֆերը, ով չէր կարողացել իր տեղը գտնել թիմի մեկնարկային կազմում։ Հաղորդվում էր նաև, որ հնարավոր է վերադառնալ Ռուսաստանի Պրեմիեր լիգա (ՌՊԼ)։

Զախարյանը խաղում է Իսպանիայի առաջնությունում 2023 թվականի ամռանից։ Նա ակումբի կազմում ընդհանուր առմամբ անցկացրել է 65 խաղ, խփել է երեք գոլ և կատարել երեք գոլային փոխանցում։