Եթե խցանումներին, որոնք Երևանի մեծ կենտրոնում առաջացել էին սեպտեմբերի 21-ին նախատեսված անկախության շքերթի փորձերի պատճառով, մարդիկ ըմբռնումով էին մոտենում, ապա այդ հանդիսության ընթացքում ռուսական դրոշի կրկին ծածանումը բողոքի առիթ է բարձրացրել համացանցում:
«Ինչ գործ ունի ռուսական դրոշը Հայաստանի անկախության շքերթին»,-միաբերան հարցնում են բողոքողներն ու չեն ընդունում պատասխանը՝ «Ռուսաստանը մեր ռազմավարական գործընկերն է, Հայաստանում է գտնվում ռուսական 102-րդ ռազմաբազան...» և սրտաճմլիկ այլ նախադասություններ:
Նկատենք, որ այս շքերթը չնայած նվիրված է Հայաստանի անկախության 25 ամյակին, սակայն առանձնահատուկ նշանակություն է ստանում հատկապես ապրիլյան պատերազմից հետո, երբ թշնամուն զինտեխնիկա, զենք ու զինամթերք վաճառած մեր ռազմավարական գործընկերը կրկին աչքի ընկավ իր «անգործությամբ ու անգործընկերությամբ»:
Բացի այդ, ստացվում է, որ շքերթի, հայոց բանակի ու եռագույնի առաջ առաջ գլուխ խոնահող ՀՀ ղեկավարությունը գլուխ է խոնարհում նաև ՌԴ դրոշի առաջ:
Ի վերջո, հիշեցնենք, որ այս շքերթը նվիրված է անկախության 25 ամյակին, իսկ 25 տարի առաջ Հայաստանն անկախացավ հենց Ռուսաստանից, իմպերիայից...
Հեղինակ՝
Ա.Գրիգորյան
Լուսանկարը՝ ՖոտոԼուրի
