«ՊՆ-ն կրակոցների թեմայով հայտարարություն տարածել է»,- ԱԺ-ում լրագրողների հետ զրույցում ասաց ՔՊ-ական պատգամավոր Նարեկ Ղահրամանյանը: Դիտարկմանը՝ ՊՆ-ն ասում է՝ չեն թիրախավորում ՀՀ տարածքը, այդ դեպքում ո՞ր կողմ են կրակում, նշեց. «Կողմը ես չեմ ֆիքսում, բայց դրանք չեն կրում թիրախային բնույթ ու ինտենսիվ չեն: Ես չեմ կարող երկար բացատրել, պետք է գոնե երկու ամիս սահման պահած լինեք, որ իմանաք՝ ինչի համար ա արվում: Ես քաջատեղյակ եմ, որ, օրինակ, երբ սահմանային դիրքերում մառախուղ էր լինում, մարդիկ ուղղակի օդ էին կրակում, երբ տեսանելիություն չէր լինում: Դեռևս 2000-ականներից սկսած՝ դեպքեր էին լինում, որ կրակում էինք օդ՝ հակառակորդին տեղյակ պահելու, որ դիրքերում ենք, նույնն իրենք էին անում: Իսկ այս կրակոցները վերջին օրերի, թիրախավորված ու ինտենսիվ բնույթ չեն կրում»: