Քեթրին Մանասյանը` ամուսնալուծության, միայնակ մայր լինելու և կյանքի դժվար փուլի մասին
Asekose.am-ի «Բացարձակ արժեք» հաղորդման ժամանակ դերասանուհի Քեթրին Մանասյանը բացառիկ խոստովանություն է արել իր ընտանեկան կարգավիճակի մասին`նշելով, որ ինքն ամուսնալուծված է արդեն 4 տարի:
Հաղորդավարուհու այն դիտարկմանը, որ դերասանուհին փորձել է խնամքով թաքցնել իրողությունը, դերասանուհին նկատել է, որ ինքը երբեք չի թաքցրել հանրությունից իր ամուսնալուծության մասին, սակայն որևէ մեկն այդ մասին չի հարցրել:
Քեթրինի խոսքով`իր որդին մշտապես կապի մեջ է եղել հայրիկի հետ, անգամ այն ժամանակ, երբ ինքը որևէ կապի միջոց չի ունեցել նախկին ամուսնու հետ:
Քեթրինը խոսել է նաև միայնակ մայրիկի կարգավիճակի մասին`նշելով, որ մտածել է, որ հնարավոր է գա նման օր: Ամուսնալուծության էտապը Քեթրինի համար չափազանց բարդ է եղել, որը նա համարում է արդեն անցյալ: Դերասանուհին հաղորդման ընթացքում հիացմունքով խոսել է որդու մասին`նշելով,որ թեպետ երջանկությունը լռություն է սիրում, այնուամենայնիվ` ինքը երջանիկ է իր որդով, ով իր կյանքում մեծ դեր ունի:
Դիտեք հատվածներ և , եթե բաց եք թողել հաղորդումը, առաջարկում ենք անպայման հետևել ամբողջական զրույցին։
