«Երբ մարդը չորս երեխա ունի, անվճար է տրանսպորտն իրենց համար։ Երեկ կարդացի, որ քաղաքապետարանը որոշում է կայացրել՝ կապ չունի՝ երեխաներն անչափահաս են, թե՝ չափահաս, ես էլ ասացի՝ փաստորեն, կարող էի անվճար երթևեկել տրանսպորտով, չեմ իմացել ու վճարել եմ, իզուր չարչարվել եմ»,- կառավարության նիստի ժամանակ ասաց վարչապետ Նիկոլ Փաշինյանը։

Դիտեք նաև՝

«Երեխաներին ուղարկեք խմբակներ, դրա համար հետո սոցկրեդիտ եք ստանալու»,- կառավարության նիստի ժամանակ ասաց վարչապետ Նիկոլ Փաշինյանը՝ տեղեկացնելով, որ Կառավարությունն ընդլայնում է համընդհանուր հայտարարագրման դեպքում սոցիալական կրեդիտների վերադարձի շրջանակը։
Ըստ կառավարության որոշման կրեդիտների վերադարձ կլինի նաև հետևյալ դեպքերում․
Երաժշտական, արվեստի, պարարվեստի դպրոցների, արտադպրոցական կազմակերպությունների, մարզադպրոցների համար կատարված ուսվճարների (ԿԳՄՍ կողմից երաշխավորված ծառայությունների դեպքում), միջնակարգ, ընդհանուր մասնագիտացված, հատուկ կրթական ծրագրերի շրջանակում դասագրքերի վարձակալության ծախսերի (յուրաքանչյուր աշակերտի համար՝ 3000 դրամ),
2024-2025 թվականների ընթացքում ատամնաբուժական ծառայությունների գծով ծախսերի:
Եկամտահարկից գումար կփոխանցվի, եթե այս վճարումներն անկանխիկ են կատարվել (բացառությամբ դասագրքերի համար վճարը):
Հայտարարագրումից հետո մինչև 100,000 դրամ եկամտահարկի հետվերադարձ կլինի նաև 2024 թվականի համար.
Արձագանքելով որոշման նախագծին, վարչապետ Նիկոլ Փաշինյանն ասաց, որ մինչ այս քաղաքացիները կարող էին ետ ստանալ սոցիալական կրեդիտը մանկապարտեզների, դպրոցների ու բուհերի ուսման վարձերի պարագայում, նաև՝ առողջապահության ապահովագրության դեպքում։
Նա շեշտեց, որ «խոսքը միայն ու միայն աշխատած և եկամտային հարկ վճարած քաղաքացիների մասին է»։