ՀՀ գլխավոր դատախազ Գեւորգ Կոստանյանի հրամանով՝ ՀՀ գլխավոր դատախազության հետաքննության եւ նախաքննության օրինականության նկատմամբ հսկողության վարչության պետ է նշանակվել Արտակ Գագիկի Հարությունյանը։
Գևորգ Կոստանյանի այլ հրամաններով` Գլխավոր դատախազության պատիժների եւ հարկադրանքի այլ միջոցների կիրառման օրինականության նկատմամբ հսկողության վարչության պետ Վարդան Ավետիսյանը նշանակվել է վարչության պետի տեղակալ`ազատվելով վարչության պետի պաշտոնից: Գլխավոր դատախազության պատիժների եւ հարկադրանքի այլ միջոցների կիրառման օրինականության նկատմամբ հսկողության վարչության պետի պարտականությունները դրվել են զինվորական կենտրոնական դատախազության ավագ դատախազ Հրաչյա Այվազյանի վրա:
