Լրագրող Ոսկան Սարգսյանի ֆեյսբուքյան գրառումը․ «Նիկոլ Փաշինյանը, ՔՊ-ակաները հիմա՞ էլ են պնդելու, թե սահմանադրությունը փոխելը Ալիևի պահանջը չէ։
Ադրբեջանի նախագահ Իլհամ Ալիևը՝ «Al Arabia» հեռուստաալիքին տված հարցազրույցում ասել է․ «Ֆորմալ առումով, խաղաղության համաձայնագիրը չի ստորագրվել մեկ կոնկրետ պատճառով. Հայաստանի սահմանադրությունը դեռևս պարունակում է մի դրույթ, որը կասկածի տակ է դնում Ադրբեջանի տարածքային ամբողջականությունըԼ Հենց որ այս սահմանադրական փոփոխությունը կատարվի, հենց որ Ադրբեջանի նկատմամբ տարածքային պահանջները հանվեն, կստորագրվի պաշտոնական խաղաղության համաձայնագիր։ Բայց այն փաստը, որ այս փաստաթուղթը նախաստորագրվել է Ադրբեջանի և Հայաստանի կողմից Սպիտակ տանը՝ նախագահ Թրամփի ներկայությամբ, արդեն նշանակում է պատերազմի ավարտ, որն ընդհատումներով տևել է ավելի քան երեսուն տարի»։ Ալիևի այս հայտարարությունից հետո, որի մեջ Ադրբեջանի նախագահը ՀՀ սահմանադրությունը փոխելը Հայաստանի և Ադրբեջանի միջև խաղաղության համաձայնագրի կնքման նախապայման է համարում(նախկինում էլ բազում անգամ նույնն է արել), Նիկոլ Փաշինյանը, ՔՊ-ականները շարունակելո՞ւ են պնդել, թե ՀՀ սահմանադրությունը փոխելը իրենց նախաձեռնությունն է, ոչ թե՝ Ալիևի պահանջը»։