«Հայաստանի ֆուտբոլի ազգային հավաքականի խայտառակ ելույթները վերջապես զայրացրել են նաև իշխանություններին: Լուրեր կան, որ Նիկոլ Փաշինյանը թիմից ՀՖՖ նախագահի թեկածուների անուններ է ուզել:

Վրաստանի ազգային թիմից կրած խայտառակ պարտությունները (9:1) ստիպել է Նիկոլ Փաշինյանին ու իր թիմին ՀՖՖ նախագահի թեկնածուների անուններ որոնել: Իշխանությունները հատկապես սարսափած են 2026թ.-ի ընտրությունների փաստով, քանզի հարյուր հազարավոր ֆուտբոլասերներ ֆուտբոլային ձախողումները կապում են հենց իշխանությունների հետ, ինչը իրականություն է»,-ԱրմԼուր-ն է գրում ու նշում, որ կայքի աղբյուրները փոխանցում են, որ այս պահին քննարկվում է ֆեդերացիայի նախագահի երեք անուն.

Հավաքականի, հոլանդական «Այաքս»-ի ու Մոսկվայի «Սպարտակ»-ի նախկին խաղացող Արազ Օզբիլիսի,

. Ֆուտզալի ազգային հավաքականի մարզիչ Ռուբեն Նազարեթյանի

. Ազգային հավաքականի լեգենդար հարձակվող Յուրա Մովսիսյանի անունները:

Ըստ նույն աղբյուրների` Յուրա Մովսիսյանի տարբերակն ամենահավանականն է, քանզի վերջինս լուրջ կոնֆլիկտ է ունեցել Ռուբեն Հայրապետյանի հետ ու հրապարակային քննադատել է վերջինիս, լոյալ է այս իշխանություններին ու վայելում է շատ ֆուտբոլասերների վստահություննը:

Դե իսկ Ռուբեն Հայրապետյանի հետ վատ հարաբերությունները ցուցիչ են Փաշինյանի համար՝ առաջնորդվելու:

Նշենք, որ Ռուբեն Հայրապետյանի ու ՀՖՖ նախագահ Արմեն Մելիքբեկյանի հարաբերությունները ևս լավ վիճակում չեն։ Լրատվամիջոցներից մեկի հետ զրույցում Հայրապետյանը նշել էր, որ սխալվել է Արմեն Մելիքբեկյանի հարցում, և այն, ինչ նա անում է հայկական ֆուտբոլում, խայտառակություն է։

Հիշեցնենք նաև, որ ՀՖՖ ներկա նախագահը, ով Իջևանից է, վերջերս կազմակերպել էր պատանիների ֆուտբոլային միջմարզային հուշամրցաշար, որը նվիրված էր Նիկոլ Փաշինյանի հոր՝ Վովա Փաշինյանի 85-ամյակին։ Եվ այժմ Փաշինյանը երկմտում է, թե ինչպես հոր համար հուշամրցաշար կազմակերպած Մելիքբեկյանին հեռացնի նախագահի պաշտոնից։

Դիտեք նաև՝