«Ընտրությունների հետ կապվա՞ծ է Ռուբիոն այցելում Հայաստան»,- «Նյուզ»-ը հարցն ուղղել է ՀՀ ԱԳ նախարար Արարատ Միրզոյանին։ «Ընտրությունների հետ ի՞նչ կապ ունի, ո՞նց կարող է կապ ունենա»,- ի պատասխան ասել է նախարարը։

***

ՀՀ ԱԳՆ մամուլի խոսնակը հայտնել է. «Մայիսի 26-ին Հայաստան կժամանի ԱՄՆ պետքարտուղար Մարկո Ռուբիոն:
Կկայանա արտաքին գործերի նախարար Արարատ Միրզոյանի և Մարկո Ռուբիոյի հանդիպումը, որից հետո նախարարները հանդես կգան մամուլի համար հայտարարություններով:
Ծրագրված է երկկողմ փաստաթղթերի ստորագրում:
Հաջորդիվ կկայանա նախարար Միրզոյանի մամուլի ասուլիսը ԶԼՄ ներկայացուցիչների հետ»:

***

Լրագրող Սյուզի Բադոյանն էլ ֆեյսբուքյան իր էջում գրում է․

Զվարթնոցում իրարանցում է. նա ստարտ սպասում են ԱՄՆ պետքարտուղար Ռուբիոյի ժամանմանը, ով ըստ մեր աղբյուրի` հենց Զվարթնոցի ներսի տարածքում էլ իր այցն ավարտելու է ` առանց պաշտոնական հանդիպումների

Մեկ երկու լուսանկար` ի պատասխան ՌԴ-ից հնչող կոշտ ու վճռական հայտարարությունների եւ վերջ

Սա են խնդրել ու աղերսել մեր տեղի չինովնիկները ` այս պահին Հնդկաստանից վերադարձող Մարկո Ռուբիոյին ով ընդամենը մի կարճ կանգառ կանի .. ուրիշ ոչ մի բան

Հիշեցնեմ, այսօր առավոտյան ՌԴ-ից եկող Մեդվեդեւի հոգնաների ֆոնին ` անսպասելի հայտարարվեց` Հայաստան է ժամանում ԱՄՆ պետքարտուղար Մարկո Ռուբիոն

Ընդ որում ակնարկներ եղան, թե իբր Ռուբիոն Երեւան է ժամանում ՀՀ ընտրական թեմաներով կամ TRIP-ի թղթեր ստորագրելու համար

NEWS.am-ին տված հարցազրույցում ՀՀ արտաքին գործերի նախարար Արարատ Միրզոյանը չէր մեկնաբանել Ռուբիոյին այցը,

Երեւի հասկանալով որ իրադրային լուծում է դա ու վտանգավոր է առաջ ընկնել զարգացումներից... մնաավանդ որ կրկնում եմ` Զվարթնոցի տարածքում հնարավոր է այցն ամփոփվի քաղաքական ժեստի համար մի քանի լուսանկարներով.. վերջ...

***

Մարկո Ռուբիոյի այցը Հայաստան մի քանի նպատակ ունի և արտացոլում է ԱՄՆ-ի համալիր հետաքրքրությունը Հայաստանի և ընդհանրապես տարածաշրջանի նկատմամբ։ Այս մասին Minval Politika-ի հետ զրույցում ասել է Հարավային Կովկասի հետազոտական ​​կենտրոնի ղեկավար, քաղաքագետ Ֆարհադ Մամեդովը։ «ԱՄՆ պետքարտուղարի այցը, իմ կարծիքով, մի քանի նպատակ ունի։ Առաջին, ցույց տալ, որ ԱՄՆ-ն և ԱՄՆ ղեկավարությունը չեն կորցրել հետաքրքրությունն այդ երկրի նկատմամբ: Երկրորդը Հայաստան-Ադրբեջան թեման է, քանի որ ԱՄՆ-ն իր դերակատարությունն է ունեցել հայ-ադրբեջանական խաղաղության գործընթացում, և այս այցը կարելի է գնահատել որպես նշան, որ այդ հետաքրքրությունը պահպանվում է։ Եվ, իհարկե, կա տարածաշրջանային համատեքստ. Հարավային Կովկասը մնում է ամերիկյան ղեկավարության ուշադրության կենտրոնում»,- ասել է փորձագետը։ Մամեդովի խոսքով՝ Մարկո Ռուբիոյի այցը տեղի է ունենում Հայաստանի խորհրդարանական ընտրություններից առաջ, ուստի այն չի կարող դիտարկվել նախընտրական համատեքստից դուրս։ Նա նշել է, որ ԱՄՆ դիվանագիտության ղեկավարի այցը կարող է նկատելիորեն ամրապնդել ՀՀ վարչապետի դիրքերը։ Օրակարգի հիմնական թեմաներից մեկը լինելու է «Թրամփի ուղին»: