Ուշիի ոլորաններում Բեռնատարը բախվել է Mercedes-ին. կան զոհեր ու վիրավորներ․ Տեսանյութն՝ Asekose.am-ի տեկեգրամյան ալիքում

Հունվարի 21-ին, խոշոր ու ողբերգական ավտովթար է տեղի ունեցել Արագածոտնի մարզում։ Ժամը 22:20-ի սահմաններում Երևան-Վանաձոր ավտոճանապարհի Ուշիի ոլորանների սկզբնամասում դեռևս անհայտ հանգամանքներում Howo բեռնատարը դուրս է եկել հանդիպակաց երթևեկելի գոտի, բախվել Mercedes-ին և կողաշրջվել։ Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով կա 2 զոհ, 2 վիրավոր։ Վիրավորներին բեռնատարից դուրս են բերել Աշտարակի փրկարարները՝ օգտագործելով հատուկ տեխնիկա։