Ուկրաինայի անվտանգության ծառայությունը RT հեռուստաալիքի գլխավոր խմբագիր Մարգարիտա Սիմոնյանի նկատմամբ քրեական գործ է հարուցել՝ Ուկրաինայի ՔՕ 4 հոդվածներով: Այս մասին ասվում է Ուկրաինայի անվտանգության ծառայության Telegram-ի ալիքում։ Նշվում է, որ Սիմոնյանը կասկածվում է «ցեղասպանության կոչերի, Ուկրաինայի տարածքային ամբողջականության և անձեռնմխելիության դեմ ոտնձգության, պատերազմի քարոզչության» մեջ։ ՈւԱԾ-ն նաև հայտարարել է, որ շարունակում են համալիր միջոցներ ձեռնարկել՝ Սիմոնյանին պատասխանատվության ենթարկելու համար: «Ուկրաինայի անվտանգության ծառայության նյութերի հիման վրա 2023 թվականի մարտին Սիմոնյանին արդեն հաղորդվել է այս մասին»,- հավելել է ծառայությունը։