Արդեն տեղեկացրել ենք, որ Բաղրամյան 26 հասցեից` նախագահական նստավայրի դիմաց անցկացվող բողոքի ակցիայից ոստիկանները բերման են ենթարկել բողոքի մասնակիցների` այդ թվում 4 աղջիկների:
Երևանի փոխոստիկանապետ Վալերի Օսիպյանը «Ազատություն» ռադիոկայանի հետ զրույցում ակտիվիստներին բերման ենթարկելը հիմնավորեց նրանց կողմից «կարգի խախտմամբ»:
Հիշեցնենք, որ ակցիայի մասնակիցները բողոքում են Մաքսային միությանը միանալու և Եվրասիական միության ձևավորմանը մասնակցելու Հայաստանի որոշման մասին նախագահ Սերժ Սարգսյանի երեկվա հայտարարությունների կապակցությամբ:
