ՌԴ-ն շահագրգռված է կայուն, անվտանգ, խաղաղ և բարգավաճ Հարավային Կովկասով և դրան հասնելու անհրաժեշտ պայմաններից մեկը Բաքվի և Երևանի՝ երկար սպասված հաշտեցումն է։ Այս մասին հայտարարել է ԴՌ ԱԳՆ պաշտոնական ներկայացուցիչ Մարիա Զախարովան՝ հիշեցնելով, որ ՌԴ-ն շատ բան է արել նպաստելու հայ-ադրբեջանական կարգավորմանը։

«Որոշակի պահի Ադրբեջանն ու Հայաստանը նախընտրեցին ուղղակի երկխոսություն, և մենք հարգում ենք այդ ընտրությունը»,- նշել է Զախարովան՝ շեշտելով, որ Ռուսաստանը պատրաստ է նախկինի պես աջակցություն ցուցաբերել այս հարցում։ Զախարովան ողջունել է, ՀՀ-ի և Ադրբեջանի նախագահների ուղղակի շփումները, մասնավորապես, երկու ղեկավարների՝ Աբու Դաբիում վերջերս կայացած հանդիպումը։

Դիտեք նաև՝

***

Զանգեզուրի միջանցքի շուրջ ստեղծված իրավիճակը Հայաստանի և Ադրբեջանի սուվերեն գործն է։ Այս մասին հայտնել է ՌԴ նախագահի մամուլի քարտուղար Դմիտրի Պեսկովը։

«Ռուսաստանը կողմ է երկու երկրների միջև խաղաղության շուտափույթ հաստատմանը»,- հավելել է Պեսկովը։

***

Բաքվի կողմից ձերբակալված ռուսաստանցիների ազատ արձակումը նշանակալի քայլ կլինի Ռուսաստանի և Ադրբեջանի միջև հարաբերությունների կարգավորման ուղղությամբ, հայտնել է ՌԴ ԱԳՆ խոսնակ Մարիա Զախարովան։

«Այս պահին Ադրբեջանի հետ երկկողմ հարաբերությունները, մեղմ ասած, դժվարին փուլում են։ Ռուսաստանը վճռական է տրամադրված ապահովելու, որ դա չձգձգվի, և մենք հույս ունենք, որ իրավիճակն արագ կկարգավորվի։ Այս ճանապարհին նշանակալի քայլ կլիներ ՌԴ քաղաքացիների ազատ արձակումը, որոնք շարունակում են պահվել Ադրբեջանի իշխանությունների կողմից», - ճեպազրույցի ժամանակ նշել է Զախարովան։