Լրագրող Տիրայր Մուրադյանը ֆեյսբուքյան իր էջում դիմել է Նիկոլ Փաշինյանին. «Վարչապետ Փաշինյանը ֆեյսբուքյան իր վերջին շրջանի ակտիվությունը բացատրել է հետևյալ կերպ, որ ի թիվս այլնի նաև իր թիմի վարած քաղաքականության վերաբերյալ սոցցանցերում շատ բան է գրվում և դրանք մեկնաբանելու համար իրեն ոչ ոք չի դիմում։
Սոցցանցերում չգիտեմ, բայց Հետք-ում կոռուպցիայի մասին բազմաթիվ հրապարակումների կողքին կա նաև մեկը, որը պատմում է ՔՊ թիմի նախկին բարձրաստիճան պաշտոնյայի ընտանիքի անդամի անհավանական հաջող կյանքի մեկնարկի մասին։ Գնել Սանոսյանի մայրը առանց վարկի, առանց եկամտահարկի վերադարձի, առանց աշխատանքի, թոշակով ապրելով՝ Առինջում մի անհամեստ տուն է կառուցում։ Որ խնդրենք կմեկնաբանե՞ք, ինչպե՞ս է դա հնարավոր եղել, որ Հայաստանի տատիկ-պապիկները թոշակի քեշբեքով հանդերձ նման բան չեն կարողանում անել, բայց ՔՊ-ականի ընտանիքի անդամի մոտ դա հաջողվում է»։