Տավուշի սահմանագոտու բնակիչները լրագրողիս դժգոհել են, որ Ադրբեջանի հետ սահմանագոտում, Հայաստան-Վրաստան միջպետական ավտոճանապարհի Կիրանց-Ոսկեպար հատվածում, ճանապարհի եզրի բլրին նախկին մեծ դրոշի փոխարեն զինվորականները տեղադրել են չափերով փոքր դրոշ, որը հարիր չէ դրոշակաձողի մեծ բարձրությանը։ Այս մասին գրել է լրագրող Ոսկան Սարգսյանը։
«Սահմանի այդ հատվածում ադրբեջանցիները չափերով մեծ դրոշներ են տեղադրել, որոնք տեսանելի են շատ հեռվից։ ՊՆ-ն ֆինանսական միջոցներ չունի՞ այդտեղ չափերով մեծ դրոշ տեղադրելու համար, թե փոքր դրոշը տեղադրել են Նիկոլ Փաշինյանի հռչակած «Խաղաղության խաչմերուկի» տրամաբանության շրջանակներում, որպեսզի ՀՀ դրոշի մեծ չափը ադրբեջանցիներին չջղայնացնի»։
