Ինչպես հայտնել էինք, ՀՀ նախագահ Վահագն Խաչատուրյանը Դավոսի համաշխարհային տնտեսական ֆորումի շրջանակում, քննարկման ժամանակ, անդրադարձել էր Հայաստանի և Ադրբեջանի միջև խաղաղության գործընթացին: «Ուզում եմ շնորհակալություն հայտնել պարոն Ալիևին, նաև մեր վարչապետին այն քաղաքական կամքի համար, որ դրսևորվել է: Նպատակը մեկն է եղել՝ խաղաղությունը»,- նշել էր նա:

Արձագանքելով նրա այս և այլ հայտարարություններին՝ դերասան Լևոն Հարությունյանն ասել է. ««Շնորհակալություն» է ասում, «կներեք, պարո՛ն Ալիև» է ասում: Լո՞ւրջ, տենց պտի խոսա՞ր էդ մարդու հետ: Էս յոթ տարվա մեջ էդ ա՞ մեր իտոգը: Ո՞ւր ենք գնում սենց»:

***

«Ինչի՞ մասին են այսօր խոսում դերասանները, երաժիշտները, նկարիչները, երբ հավաքվում են»,- հարցին՝ դերասան Լևոն Հարությունանը պատասխանեց՝ քաղաքականության: «Խոսում են այսօրվա իրավիճակի մասին, բայց երբ մոտենում ես, ասում՝ քո կարծիքն ասա, ասում է՝ չունեմ կարծիք»,- հավելեց Հարությունյանը: «Մշակույթի մարդու մեջ մշակույթը վաղուց սպանել են: Չեն թողնում թատրոններում խոսենք մեր ցավի մասին: Եթե ներկայացման մեջ կան մեր ցավի մասին բաներ, կարող է ներկայացումը փակեն»,- նշեց նա: Հարցին՝ ցավ ասելով ի՞նչ նկատի ունեք, պատասխանեց՝ Արցախ, հազարավոր զոհեր:

Դիտեք նաև՝