Դինքի մարդասպան Օգյուն Սամասթի գործը քննող Ստամբուլի անչափահասների գործերով քրեական դատարան ուղարկված մեղայական նամակը ստիպել է ահաբեկչության դեմ պայքարի հարցերով դատախազ Մուամեր Աքքաշին գործի անցնել: 

Նամակ ուղարկողը, որը Թոքաթի նահանգում ազատազրկման դատապարտված մի բանտարկյալ է, հայտնում է, որ իր և ընտանիքի անվտանգության ապահովման պարագայում, պատրաստ է հանցագործության մասին տեղեկություններ և փաստեր ներկայացնել: 

Ըստ վերոնշյալ անձի պնդումների՝ ինքը ճանաչել է Դինքի սպանության գործով մեղադրյալ Էրհան Թունջելին: Նրանք սպանությունից առաջ «Ակոս»ի խմբագրության շենքի տարածքը զննել են, իսկ սպանությունը կազմակերպել է մի խումբ, որի մեջ ընդգրկված են եղել և ինքը, և Էրհան Թունջելը: Դատախազ Աքքաշի կարգադրությամբ նամակի հեղինակը ընտանիքը հետ միասին վերցվել են ոստիկանության հսկողության տակ, փոխանցում է «Էրմենիհաբեր»-ը: