ԱԺ նախկին պատգամավոր Աննա Կոստանյանի ֆեյսբուքյան գրառումը․ «ՀՀ ներքին գործերի նախարարություն, Մարդու իրավունքների պաշտպան, ՀՀ քննչական կոմիտե, բռնության կոչ, ատելության խոսքի տարածում, էլ ի՞նչ հոդվածներ կան, հանեք դարակներից, գործ հարուցեք. հատ առ հատ պիտի պատասխան տաք էս համատարած ատելության մթնոլորտի ստեղծման համար: Միքայել Սրբազանին դատողներդ ու խաչելության տանողներդ էս մարդկանց խոսքերում հանցակազմ չե՞ք տեսնում, թե որ սիվիկներն են տարածում ու ձերոնքականներն են գլուխ ջարդելու կոչեր անում, ուրեմն կարելի է:
Հրավիրում եմ նաև բոլոր իրավապաշտպան կազմակերպությունների ուշադրությունը. նման երևույթների դեմ աչք փակեք, վաղը մյուս էս խոսքը էս մարդիկ գործի են վերածելու, լավ իմացեք: Նմաններին պատասխանատվության պիտի կանչել, որ երևույթը նորմա չդառնա, չնայած համոզմունք ունեմ, որ բանը բանից վաղուց անցել է...»։

***

Լրագրող Լիա Սարգսյանը, ֆեյսբուքյան իր էջում անդրադառնալով այսօր տարածված տեսանյութին, գրել է․ ««Իշխանություն» լրատվականին հայտնի է դարձել կաթողիկոսին «սպանելու» կոչով հանդես եկած քաղաքացու ինքնությունը։ Խոսքը Գառնիի բնակիչ Էդվարդ Ստեփանյանի մասին է, ով համայնքում հայտնի է «Ջնդոյի Էդո» մականվամբ։
«Ջնդոյի Էդոն» աշխատում է Գառնիի համայնքապետարանում, խմելու ջրի սպասարկման բաժնում, հավաքագրում է վճարները։ Մեզ պատմեցին, որ համայնքում գործող այս շրջանակները գտնվում են Կոտայքի մարզպետ Ահարոն Սահակյանի կուռացիայի ներքո, և ամենայն համանականությամբ իր գրած տեքստով էլ ելույթ են ունենում։
Նշենք, որ «Ջնդոյի Էդոն» Գառնիում Նիկոլ Փաշինյանի «պատվիրած» պատարագից հետո իշխանական կայքի լրագրողի հարցին՝ «ինչ պիտի լինի, որ Կտրիճ Ներսիսյանը հեռանա», պատասխանում է՝ «Մի հատ քար խփեն գլխին՝ սատկացնեն»։
Ստացվում է՝ կաթողիկոսին հրապարակավ «սպանելու» կոչ անողը ոչ թե պատահական անցորդ է, այլ համայնքապետարանի աշխատակից, որը գտնվում է իշխանության հովանու ներքո, և լուսաբանվում է հենց ՔՊ-ի պաշտոնական մամուլով։ Եվ սա այն դեպքում, երբ ՔՊ-ականները խոսում են «ատելության խոսքի դեմ պայքարից», «հանդուրժողականությունից» և «ժողովրդավարական արժեքներից»։
Ընդդիմադիրների դեպքում իրավապահ համակարգը կայծակնային արագությամբ արձագանքում է, իսկ եկեղեցու առաջնորդի հասցեին սպանության բացահայտ կոչ հնչեցրած անձի դեպքում՝ ո՛չ դատապարտում են, ո՛չ արձագանքում, ո՛չ իրավական գնահատական տալիս»։

***

Քաղաքական մեկնաբան Հակոբ Բադալյանի թելեգրամյան գրառումը. «Հիմա այս պարոնի հետևից որևէ իրավապահ կառույց գնալո՞ւ է, թե՞ այսպիսի մտքեր արտաբերելը անթույլատրելի է միայն նրանց համար, ովքեր Նիկոլ Փաշինյանի հետևորդ չեն: Իսկ հետևորդներին ոչ միայն այսպիսի մտքեր արտահայտելն է թույլատրելի, այլ վաղը գուցե Նիկոլ Փաշինյանն իր հետևորդներին օժտի այդ մտքերը կյանքի կոչելու «իրավունքով»»։