Նիկոլի նոպան բռնել է, էժան շոուով փակել է Սերժ Սարգսյանի ելքը ՀՀ-ից՝ գտնելով շինծու պատճառ. Աշոտյան
|
ՀՀԿ փոխնախագահ Արմեն Աշոտյանը ֆեյսբուքյան եթերով անդրադարձել է երրորդ նախագահ Սերժ Սարգսյանի՝ ՀՀ-ից դուրս գալու արգելման որոշմանը: Նա նշել է. «Ինչու է սրացել Նիկոլի (եւ ոչ միայն) «Սերժացավը» 2019թ.-ի դրվագով փակվել է ՀՀ երրորդ նախագահ Սերժ Սարգսյանի ելքը Հայաստանից: Կանխատեսում էինք, որ նիկոլական ռեպրեսիվ ապարատը ևս մի քայլ կձեռնարկի, ինչը և տեղի ունեցավ։ Այսօր ցերեկը նախագահին հրավիրել են քննչական մարմիններից մեկի գրասենյակ և ներկայացրել մի նոր զավեշտալի մեղադրանք, զուտ որպես պատրվակ, որպեսզի այդ հիմքով արդեն նախաքննության ընթացքում արգելեն նախագահի բացակայությունը Հայաստանից, և այդ մեղադրանքով այսօր ցերեկվանից Սարգսյանը գտնվում է ապօրինի, ակնհայտ քաղաքական սանկցիայի տակ։ Նիկոլի երեկվանից սկսված նոպան հանգեցրել է նրան, որ Սերժ Սարգսյանը ոչ անձնական, ոչ քաղաքական հիմնավորումներով նորից չի կարող մեկնել երկրից»։ |
