Բնապահապանության նախարարությունը բազմիցս նշել է, որ Խոսրովի պետական արգելոցում սեպտեմբերի 18-ին բնապահպան-ատիվիստների կողմից պատահաբար հայտնաբերված Կարմիր գրքում գրանցված կենդանիների մարմինները դուրս են պետական արգելոցի տարածքի սահմաններից:

lragir.am կայքը ներկայացրել է տեսանյութ  ու նշել, որ ի դժբախտություն նախարարի` այսօր 21-րդ դարն է և  բնապահպան Եղիա Ներսիսյանի մոտ եղել է GPS, որով ֆիքսվել է տարածքը, ապա լուսանկարը  տեղադրվել է Google earth-ի քարտեզի վրա, որը հստակ գծված սահմաններով քարտեզ է  և որով  հստակ որոշվել է բեզոարյան այծի, նապաստակի և արջի կոնկրետ գտնվելու վայրը:

ԼՐԱԳԻՐ-ը  նաև նշում է, որ եթե Բնապահպանության նախարարությունը այս տեսանյութից հետո նորից կշարունակի պնդել, թե որսագողությունը տեղի է ունեցել Խոսրովի արգելոցի պետական սահմաններից դուրս, ապա կնշանակի, որ Խոսրովի պետական արգելոցի սահմանները փոփոխվել են, և պետք է նաև հիմնավորի, թե որ որոշման համաձայն է տեղի ունեցել արգելոցի սահմանների փոփոխություն, և ինչու մինչ օրս google earth կազմակերպությանը չեն դիմել այդ փոփոխությունը շտկելու համար:

Վերը նշված փաստերը հավաստող կադրերը կարող եք դիտել տեսանյութում